Mayor òf tutor di alumno ku (despues di fakansi grandi) ta bai skol sekundario na Hulanda Karibense por entregá petishon pa kompensashon den e gastunan pa artíkulo di skol manera unifòrm, sapatu, tas di skol i artíkulo pa skibi. E areglo ta konta pa skol sekundario i e unidat SZW di RCN ta ehekutá esaki. Pa skol básiko esaki ta kana via di entidat públiko di e isla.
Boneiru
Kas di famia na Boneiru ku un òf mas yu na skol sekundario i ku un entrada konhunto te $2.509,64 nèto pa luna, dependé di e kantidat di yu, por bini na remarke pa e sosten aki. Ta posibel pa entregá un petishon via di meil òf personalmente durante e oranan di konsulta spesial na e ofisina di SZW na Playa:
|
Luna |
Dia |
Orario |
|
yüni |
djaluna 30 di yüni |
mitar di 2 – 4 or di atardi |
|
yüli |
djaluna te ku djárason |
mitar di 2 – 4 or di atardi |
|
djasabra 5 i 12 di yüli |
9 or di mainta – 2 or di mèrdia | |
|
ougùstùs |
djaluna te ku djaweps |
8 or – 10 or di mainta |
|
djasabra 2 i 9 di ougùstùs |
9 or di mainta – 2 or or di mèrdia |
Esun ku no por ta presente na un di e oranan di konsulta, por entregá un petishon digital via meil na onderstand@rijksdienstcn.com òf tuma kontakto via number di telefòn +599 795 5053 òf +599 715 8844.
Sint Eustatius
Na Sint Eustatius e límite di entrada ta $2.524,21 nèto pa luna, dependé di e kantidat di yu.
Mayor- i tutornan por entregá nan petishon na e ofisina di SZW na Mazinga Square. E ofisina aki ta habrí di djaluna te ku djaweps di 8:00 or di mainta pa 12:00 or di mèrdia. Den oranan di atardi bishita ta posibel ku sita. Tambe por entregá un petishon digitalmente via meil na szw.statia@rijksdienstcn.com.
Dokumentonan rekerí
Por haña e formulario di aplikashon riba www.rijksdienstcn.com bou di ‘Asuntunan Sosial’. Banda di esaki, e petishonario mester añadí un (kopia di un) sédula bálido (tambe di e mucha(nan)), slep di salario i estado di kuenta di banko di último dos luna. Mester entregá e dokumentonan aki tambe di pareha di e petishonario si e ta forma parti di e mesun kas di famia. Ademas mester proba ku e yu ta bai skol sekundario dor di entregá prueba di inskripshon òf e último rapòrt di skol básiko.Un vògt òf mayor di kriansa mester entregá tambe un desishon ku ta ilustrá ku e ta e kuidadó legal.
Saba
Na Saba e prosedura di petishon ta kana via entidat públiko. Mayor òf tutor por akudí na Entidat Públiko Saba pa petishon di kompensashon pa artíkulo di skol i unifòrm di skol pa mucha di tantu skol básiko komo skol sekundario.
Pa mas informashon tokante e kompensashon pa artíkulo di skol 2025, wak riba www.rijksdienstcn.com.