Na sèptèmber 2026 e Programa Desaroyo di Talento Hulanda Karibense (TOP CN) ta bai kuminsá atrobe. TOP CN ta un programa di traha i treinen di 1 aña, spesial pa profeshonalnan resientemente graduá ku rais karibense. Entrante djárason 22 di aprel por solisitá pa un trayekto di enseñansa pa TOP CN 2026-2027.
Programa
E stazjèrnan ta inisiá entrante promé di ougùstùs na un instansia di gobièrnu pa e periodo di 1 aña, manera Entidat Públiko òf Rijksdienst Caribisch Nederland. Durante e aña aki nan ta laborá den un funshon ku ta kuadra ku nan i na mes momentu ta sigui e programa ‘trainee’ di TOP.
E stazje di TOP ta kuminsá ofisialmente dia 14 di sèptèmber i ta dura 10 luna. E stazjèrnan ta haña guia profeshonal i por konta ku oferta variá di treinen i tayer, manera maneho stratégiko di área, abilidat di maneho i abilidat di idioma.
Den 1 aña e stazjèr di TOP ta desaroyá su mes riba área profeshonal i personal, loke ku ta fortifiká tantu su posibilidatnan di karera i kapasidatnan di ehekushon na Hulanda Karibense konsiderablemente.
Pa ken?
E programa TOP CN ta enfoká spesífikamente riba profeshonal hóben ku rais karibense, ku ta motivá pa regresá Boneiru, Sint Eustatius òf Saba den un término di máksimo 3 aña despues di a terminá nan estudio di HBO òf WO.
Bo ta un kandidato adekuá?
Bo ta òf bo konosé un kandidato adekuá pa e stazje di TOP? Por solisitá te ku djamars 12 di mei. Pa mas informashon wak riba www.topcn.nl/papiamentu