KRALENDIJK - Komo selebrashon pa apertura di e stashon di satélite Galileo a tuma lugá e konferensia ‘Sistema di satélite Union Oropeo den área karibense: na kaminda pa futuro”. Parti di e konferensia tabata tokante kon sistema di satélite por yuda islanan manera Boneiru, Sint Eustatius i Saba. Pa enfatisá importansia di e sistemanan di satélite, wardakosta a hasi un demonstrashon i akshon bibu (live) di búskeda i reskate den haf na Boneiru
Konferensia
E konferensia a trese huntu un grupo variá di ehekutornan di maneho, empresario i investigadornan tantu di Hulanda Karibense komo di Hulanda Oropeo, huntu ku representantenan di Union Oropeo i su organisashonnan di espasio. Meta di e enkuentro aki tabata pa konbertí konosementu riba sistemanan di satélite den solushonnan aplikabel i den lasonan nobo di kolaborashon.
E públiko a haña un bon biní, entre otro, di Sekretario di Estado pa Relashonnan den Reino i Gobernashon Efisiente, Eric van der Burg, i Komisario di Union Oropeo pa Defensa i Espasio, Andrius Kubilius. Ademas, André Kuipers a duna un charla ku ta inspirá tokante su trabou komo astronouta i a enfatisá kon importante espasio ta pa nos bida aki na tera.
Den diferente seshon plenario a trata temanan manera, inovashon turístiko i monitoreo komo protekshon di sistemanan ekológiko i naturalesa. A rekonosé ampliamente ku mester buska un solushon konkreto pa desafio nan ku ta spesífiko pa islanan karibense.
Enviado Spesial pa Boneiru, Sint Eustatius i Saba, Edison Rijna, a enfatisá e importansia di e konferensia pa e region kompletu. “Di manera ku e siguiente generashon den área karibense no ta solamente públiko di futuro, pero ku ta yuda duna esaki su forma aktivamente.
Akshon di búskeda i reskate di wardakosta
Pa ilustrá balor di e komunikashon di satélite pa islanan manera Boneiru, Sint Eustatius i Saba, wardakosta a organisá un demonstrashon di búskeda i operashon di reskate bibu (live). A demonstrá kon señalnan di satélite ta yuda pa lokalisá señalnan di emergensia eksakto riba laman grandi.
Na pir nort den bahia di Kralendijk wardakosta a mustra kon ta reakshoná riba un señal semehante. Durante e demonstrashon espektakular aki a reskatá e víktima for di den awa ku ayudo di un helikòpter i boto.