For di 1 di yanüari 2025 e Kodigo di Protekshon BESta na vigor. E regulashon akí ta yuda profeshonal i siudadano rekonosé señalnan di violensia doméstiko i abusu di mucha na tempu i pa traha huntu riba protekshon i seguridat.
Imágen: © ZJCN
Ku introdukshon di e Kódigo di Protekshon BES a inisiá tambe e kampaña ‘Safe Together Strong Together’ pa pidi atenshon pa violensia doméstiko i abusu di mucha. Pasobra un situashon sigur na kas no ta sin mas. Tur hende meresé un lugá unda bo ta sinti bo mes seif i ningun hende no mester ta pará su so.
Sosten pa profeshonal: Kódigo di Protekshon BES
E kódigo di protekshon ta un plan den fase pa profeshonalnan den kuido, enseñansa i sektor hudisial, pa situashonnan den kua ta sospechá ku un persona no ta seif na kas. E plan den fase akí yama Kódigo di Protekshon BES i ta obligatorio pa organisashonnan den e sektornan akí. Na 2025 Kuido i Hubentut Hulanda Karibense (ZJCN) a sostené e organisashonnan akí ku awor ta obligá di tin un kódigo di protekshon, ku implementashon i aplikashon di e kódigo di protekshon akí. Ta kontinuá ku e sosten akí den 2026.
Den kombersashon ku habitantenan di e isla
E kampaña a enfoká promé riba profeshonalnan i mas despues den 2025 riba siudadanonan tambe. Pa medio di enkuesta a averiguá kiko hende sa kaba i tin mester pa rekonosé señalnan di inseguridat i trese esakinan dilanti pa diskushon. Na skolnan sekundario riba tur e tres islanan a papia ku hóbennan tokante seguridat i responsabilidat i na Saba i Sint Eustatius a organisá ‘sunset gatherings’ habrí pa adultonan pa hiba kombersashon ku otro tokante e tópiko.
Kontinuashon den 2026: sigui konstruí huntu
Den 2026 tambe e kampaña ‘Safe Together Strong Together’ ta kontinuá. Despues di e mensahe inisial ‘We are all ears’, ku a enfoká partikularmente riba skucha i ta habrí, den 2026 e kampaña lo enfoká riba kon pa aktua den situashon di violensia, negligensia òf abusu.
Yamada: huntu nos por hasi esaki
Seguridat ta kuminsá ku mira, tribi na nombra i no bira kara. Huntu nos por hasi esaki.
Bo ta deseá di sa kiko abo mes por nifiká? Sigui Rijksdienst Caribisch Nederland riba Facebook i keda na altura di tep-, kuenta- i aktividatnan relashoná ku Safe Together Strong Together. Huntu nos ta sòru pa ningun hende ta su so pará.
Puntonan di konseho
|
Boneiru: |
Saba: |
Sint Eustatius: |