Instituto Hudisial Hulanda Karibense (JICN) a tuma e desishon pa sera Toko Lenny entrante yanüari. A tuma e desishon aki despues di evaluashon i basá riba konsiderashonnan empresarial.
Toko Lenny tabata parti di e programa di trabou den JICN, ku tabatin komo meta pa duna kliente eksperensia di trabou i prepará e klientenan pa regreso den komunidat. E enfoke aki ta keda meskos, pero esaki den un otro forma. Lo hasi donashon di produktonan di uzo, manera skuma pa feita, na banko di kuminda. Lo usa e produktonan di kuminda den kushina. Tambe lo organisá e espasio di e toko anterior komo sentro di empake pa e kushina, unda ku lo prepará kuminda friu.
E trabou aki tin sentido i ta instruktivo pa kliente. E proseso ta rendabel i duradero. Esaki ta fortifiká e posishon di trabou den e instituto. Tambe ta krea espasio pa invertí den mihó fasilidat, hèrmènt i posiblemente mas lugá di trabou pa kliente.
Ku siere di e toko, pedido di kuminda pa nos klientenan lo siguí atrobe via un provedor eksterno, manera esaki tabata anteriormente.