CBS a prolongá e periodo di enkuesta pa Enkuesta Òmnibùs na Hulanda Karibense. Habitantenan di Boneiru, Sint Eustatius, i Saba ku a wòrdu selektá por partisipá ainda te 29 di febrüari 2026. CBS ta pidi pa tur persona ku a keda selektá partisipá durante e ultimo dos simannan aki.
Enkuesta Òmnibùs ta un estudio amplio di kondishonnan di bida na Hulanda Karibense. CBS ta rekohé informashon tokante entre otro salú, bibienda, i seguridat. E datonan aki ta duna un bista riba e realidatnan di e habitantenan di e isla.
Datonan konfiabel ta esensial. Nan ta forma e base pa inisiativanan di maneho, investigashon i sosial. Mas residente selektá partisipá, mas mihó i mas representativo e resultadonan lo ta.
Un total di 2.029 habitante di Boneiru, 674 di St. Eustatius, i 578 di Saba a wòrdu selektá di un forma aselekto pa partisipá. Solamente nan por partisipá den e estudio aki. Pesey nan koperashon ta importante.
E konfidensialidat di e datonan ta legalmente garantisá. CBS ta atendé tur informashon ku ta wòrdu suministrá ku kuidou. Entrevistadornan semper por identifiká nan mes ku un identifikashon ofisial di CBS.
Bo a risibí un invitashon? E ora ei CBS ta pidi bo pa partisipá den e último dos simannan aki. Huntu nos ta sòru pa dato konfiabel tokante bida na Hulanda Karibense.
Pa pregunta i informashon por tuma kontakto ku nos na +599 717 8676 (Di djaluna pa djabièrnè, 8:00 AM–5:00 PM) of via caribischnederland@cbs.nl
Pa mas informashon bishitá: https://www.cbs.nl/omnibus