Dia 2 te ku 6 di maart, Centraal Bureau voor de Statistiek (CBS) ta organisá e siman temátiko Data-Vibes. Datonan i sifranan por zona abstrakto òf laf. Pero kiko si nan tabata tokante hóbennan na Boneiru? Tokante nan salú, aktividatnan den nan tempu liber, plannan pa futuro, edukashon òf entrada? Durante e siman aki, CBS ta hasi datonan visibel, diskutíbel i relevante pa hóbennan i nos komunidat.
E siman di tema ta dirigí na hóbennan entre 12 i 16 aña i lo tuma lugá na Biblioteka Públiko Boneiru. Hóbennan por partisipá na tayernan interaktivo dia 3 i 5 di mart. Tambe nan por kombersá ku personal di CBS i deskubrí kiko datonan ta revelá tokante bida di hóbennan na Boneiru. Durante siman lo kompartí sifranan tokante kon e hobennan ta pasa nan tempu liber i kon nan ta mira nan futuro, entre otro.
Ku e siman aki, CBS ke mustra ku datonan no ta spreadsheet, pero storianan. Storianan ku ta yuda hende hasi mihó eskoho na skol, den polítika, i personalmente. CBS ta invitá tur edat kordialmente pa bishitá Biblioteka Públiko Boneiru i deskubrí kiko estadístika ta revelá tokante hóbennan na Boneiru.
Informashon práktiko:
Lugá: Biblioteka Boneiru
Fecha: 2-6 di mart, entre 2:00 PM i 5:00 PM.
Tayernan riba 3 i 5 di mart, 3:00 PM i 4:30 PM
Inskripshon pa e tayernan ta nesesario. Bo por inskribí dor di manda un email caribischnederland@cbs.nl.
Entrada: Gratis
Pa mas informashon por tuma kontakto ku:
Centraal Bureau voor de Statistiek na 717 8676 òf via email na caribischnederland@cbs.nl
