Pa motibu di un mal funshonamentu, pago di kompensashon pa yu no a bai bon e luna aki. Relashoná ku esaki algun hende a risibí kompensashon pa yu dimas, ménos òf no a risibí nada. E unidat Asuntunan Sosial i labor di RCN ta na altura di esaki i a saka afó kiko a bai robes i ken ta e personanan afektá. E unidat SZW di RCN ta lamentá ku esaki a tuma lugá i ta hasi su máksimo esfuerso posibel pa remediá esaki mas pronto posibel.
Kon ta resolvé esaki?
Mayor i tutor ku ainda no a risibí e pago di kompensashon pa yu pa un òf mas yu, lo bai haña e pago e siman aki mas pronto posibel.
Lo kompensá kualke pago dimas di kompensashon pa yu outomátikamente fin di e luna aki. Esaki ta nifiká ku por ehèmpel, si fin di febrüari bo a risibí e kompensashon pa yu dòbel, bo tin ku tene kuenta ku fin di mart bo no ta bai risibí kompensashon pa yu. Si ya kaba bo a debolbé e kompensashon pa yu dimas ku bo a risibí, e ora ei bo ta bai haña bo kompensashon pa yu normal fin di mart.