Den e siman di 16 di febrüari 2026, Profesor Ton Liefaard i Profesor Judi Mesman di Universidat di Leiden a bishitá Boneiru, Sint Eustatius i Saba. Nan a entrevistá abitante-, hóben- (di 16 aña bai ariba) i profeshonalnan. E propósito di e investigashon ei tabata pa kompilá input pa un investigashon nobo: Salú seksual i relashonnan íntimo na Hulanda Karibense. Ministerio di Salú, Bienestar i Deporte (VWS) a duna e enkargo pa hasi e investigashon aki. Entrevistanan inisial ta indiká interes konsiderabel pa kontribuí na e preguntanan di e enkuesta, nesesidat- i temanan klave.
Imágen: © ZJCN
Di robes pa drechi: Carmen Grefte - Ministerio di VWS, Ereina Gordon - OLE, Ton Liefaard - Universidat di Leiden, Judi Mesman - Universidat di Leiden, Carol Jack - OLE
E investigashon di kontinuashon aki ta kontinuashon di un investigashon anterior di 2024. Universidat di Leiden a kondusí e investigashon aki den kolaborashon ku Universidat di Kòrsou i UNICEF, tambe enkargá pa VWS. Vários resultado a surgi for di e investigashon ei. Esaki a destaká e forsa di e komunidatnan estrecho di e islanan. Sinembargo, tabatin preokupashon tambe, manera e protekshon insufisiente di muchanan kontra violensia seksual.
Na aprel 2026, lo parti un kuestionario pa tur hende. Tambe lo hasi entrevistanan profundo. Partisipashon den e kuestionario i entrevistanan ta kompletamente anónimo. Esaki ta permití tur hende kompartí opinion di manera seif i habrí. E resultadonan lo yuda forma maneho ku ta kumpli mihó ku nesesidat di e abitantenan.