Representante di Reino interino (wRv) ta boga pa un aserkamentu integral na gran eskala, awor ku el a hañ’e fòrsá pa termina su supervishon intergubernamental.
Inspectie Leefomgeving en Transport (ILT) a evaluá e rapòrt di progreso di OLB di 31 di yanüari 2026. Basá riba esaki, wRv ta konklui ku OLB a tuma e pasonan minimo huridiko nesesario, loke ta nifiká ku supervishon aktivo di wRv no ta e medio mas pa atendé ku e situashon akí. Sin un base hurídiko, Representante di Reino interino (wRv) mester terminá e supervishon akí.
Den práktika i den bista di e habitantenan di Boneiru ainda no a solushoná e situashon di emergensia na Selibon. Te ainda no tin inisio di un solushon (struktural) visíbel. Asta ILT ta yama e situashon preokupante i kompleho. Ku esaki e situashon aktual a bira aun mas urgente.
Representante di Reino interino (wRv) ta rekonose esaki. Den un karta na Gobièrnu Sentral i OLB, wRv ta hasi e yamada urgente pa yega na un aserkamentu integral, ku ta sòru pa un avanse den direkshon di un solushon duradero na Selibon Lagun. Pa motibu ku esei ta loke ku e habitantenan di Boneiru meresé. Por lo menos, e aserkamentu aki mester garantisá un kordinashon dirigí, sufisiente medio finansiero i supervishon efektivo na e nivel apropiá.
* Anekso: e karta (na hulandes) dirigí na Entidat Públiko Boneiru (OLB), sekretarionan di estado di Infrastruktura i Maneho di Awa, i di Asuntunan Interno i Relashonnan den Reino, minister di Klima i Kresementu Bèrdè, sekretarionan di estado di Agrikultura, Peska, Bestia i Naturalesa, i di Salubridat, Bienestar i Deporte.