Na mart, institutonan di kuido na Boneiru, Sint Eustatius i Saba ta bai live ku un Fail di Kliente Elektróniko (ECD). E seis implementashonnan ta un logro grandi úniko denter di e proyekto DigiCare, ku ta dirigí su mes riba mehorashon di kalidat, kontinuidat, i seguridat di kuido mediante digitalisashon na e islanan.
Imágen: © ZJCN
Riba inisiativa di direktora di Fundashon pa Kwido di Personanan Desabilita (FKPD), Edilse Goeloe, sinku institushon ku ta duna kuido di larga durashon lo kuminsá, pa promé biaha, traha ku un sistema digital. E institushonnan aki ta Zorg en Welzijn Groep (ZW-Groep), Fundashon pa Kwido di Personanan Desabilita (FKPD) i Kalor di Hogar na Boneiru, i St. Eustatius Health Care Foundation (SEHCF) i St. Eustatius Auxiliary Home Foundation na Sint Eustatius. Asina, e organisashonnan ta tuma un paso importante den mehorashon mas aleu di nan servisio. Te ku awor ta ku fail di papel tabata traha. Mental Health Caribbean (MHC) na Boneiru, Sint Eustatius i Saba ta e di seis instituto ku ta bai live ku un ECD. MHC ta traha ku un fail elektróniko kaba, i ta haña un sistema digital nobo kla pa enfrentá futuro ku ta mihó sinkronisá riba Kuido di Salú Mental (GGZ, Geestelijke Gezondheidszorg).
E fail digital ta hasié posibel pa dokumentá i haña informashon bèk mas lihé i ku mas presishon. Profeshonalnan den kuido por traha huntu mas fásil, i ta disponé di datonan aktual tur ora. Esaki ta na benefisio di kalidat, seguridat, i kontinuidat di e sosten di kliente.
Imágen: ©ZJCN
E institutonan ku ta duna kuido di durashon largu konhuntamente a skohe e mesun sistema digital pa traha kuné. Genara Silberie, Direktor di ZW-groep:“E kolaborashon aki ta importante pa nos pasobra el a hasi e digitalisashon posibel pa nos komo institutonan relativamente chikí. Huntu nos a pone un bon base pa futuro i a oumentá nos oportunidatnan konhunto. Tambe pa futuro desaroyonan nobo.”
Den e lunanan ku ta tras di lomba a traha riba un preparashon minusioso. A trein kolaboradónan den uso di e sistema nobo, i kaminda nesesario a adaptá prosesonan Herbert Barnard, Direktor di Kuido i Hubentut Hulanda Karibense (ZJCN): ”Mi ta orguyoso i agradesido pa e desaroyo aki, i pa e kompromiso di tur ehekutivo den kuido, profeshonal di kuido, i pa e tim di proyekto DigiCare ku a hasi e paso aki posibel.”