Kuerpo di Bombero Hulanda Karibense (BKCN) resientemente a bishitá Sint Maarten pa e reunion di komandante CAS-BES. E reuinion aki ta trese e komandantenan di Kòrsou, Aruba, Sint Maarten i Hulanda karibense huntu pa deliberá tokante temanan aktual.
Imágen: © BKCN
Durante di e bishita, e seis islanan a profundisá nan kolaborashon i a fiha e desaroyonan mas importante di 2026. Tópiko ku a trata den e ronda aki, ta entre otro asistensia di bombero, estudio den futuro, kompetensia profeshonal, e programa ‘Onderwijs Onderweg’ i perspektiva riba JvO (Justitieel Vierpartijenoverleg) i otro enkuentro krusial ku ta planiá pa e aña aki, manera e siman di maneho di krísis (Week van de Crisisbeheersing) den di dos mitar di 2026 na Den Haag.
E komandantenan ta bini huntu físikamente tres te kuater biaha pa aña pa deliberá tokante progreso di proyektonan konhunto i profundisá kolaborashon. E enkuentro na Sint Maarten ta marka e promé enkuentro físiko di 2026.
Ku e reunion aki e kuerponan enbolbí ta dal un paso importante den fortifikashon mas aleu di e kolaborashon regional i garantia di seguridat di e habitantenan riba tur e islanan enbolbí.