Entrante promé di aprel studiantenan por pidi Beka di Reino di nobo. Ku e beka aki studiante den Reino Hulandes ta haña chèns pa studia temporalmente òf pa stazje na otro lugá den Reino.
E Beka di Reino ta pa studiante ku ta inskribí na un di e institutonan di enseñansa menshoná riba e RCN wèpsait[1] i ta sigui un estudio na Aruba, Boneiru, Kòrsou, Sint Maarten òf Hulanda na nivel 3 òf 4 di SBO/MBO, nivel HBO òf WO.
Ku e beka studiantenan por hasi un interkambio di estudio for di 21 dia te ku un máksimo di 6 luna na un instituto di enseñansa òf organisashon/kompania otro kaminda den Reino.
E stazje òf interkambio mester ta parti di un estudio rekonosí.
Asignashon di Beka di Reino ta bai via di lòt. Studiante ku keda selektá ta risibí e beka komo supsidio komo aporte di nan interkambio di estudio òf periodo di stazje.
Studiante
Bo konosé un persona den bo nètwèrk ku ta hasi un estudio den Reino na nivel 3 òf 4 di MBO, HBO òf WO i tin interes den un interkambio di estudio òf stazje otro kaminda den Reino?
Pone nan na altura di e posibilidat pa hasi petishon pa un Beka di Reino entrante promé di aprel te ku 14 di mei 2026.
Beka di Reino ta stimulá interkambio, kolaborashon i interkambio di konosementu entre e islanan di Reino i ta duna e studiantenan un eksperensia di enseñansa internashonal balioso den nan mes Reino.
Bishitá e lenk aki bou pa mas informashon.
https://papiamentu.rijksdienstcn.com/ensenansa-kultura-siensia/beka-di-reino
_________________________________________________
[1] https://papiamentu.rijksdienstcn.com/ensenansa-kultura-siensia/beka-di-reino/lista-instituto-di-ensenansa