Un delegashon di bombero- i eksperto di krísis hulandes tabata di bishita na Saba siman pasá pa un reunion ku partnernan lokal tokante desaroyo mas aleu di e tareanan di bombero i maneho di krísis riba e isla. E bishita ta enfoká riba fortifikashon di e organisashon di bombero i traha e plan di kubrimentu sostenibel.
Riba e potrèt (drpd): Richard Holtman, Ron de Wit, Gezaghèber Jonathan Johnson, Olav Strotmann i komandante lokal di BKCN Saba: Julio Every
Den kolaborashon ku Kuerpo di Bombero Hulanda Karibense e delegashon a papia ku diferente ‘stakeholder’, entre otro representante di aeropuerto, haf, turismo, planifikashon teritorial i entidat públiko.
Ademas e delegashon a hasi un bishita di kortesia na gezaghèber Jonathan Johnson. Durante di e reunion a papia tokante kolaborashon entre partidonan enbolbí i desaroyonan aktual riba e isla.
Ku e bishita e partidonan enbolbí ta dal pasonan huntu pa un komunidat seif i bon prepará na Saba, awor i den futuro.