Bintidos (22) investigadó ta drenta siguiente fase di e programa di PhD Scholarships 2025. A selektá nan pa desaroyá nan idea inisial den un aplikashon kompletu pa un beka pa hasi un PhD.
For di idea inisial te na aplikashon kompletu
Na fin di 2025 i inisio di 2026, un komishon di bintitres (23) investigadó karibense a evaluá e ideanan di setentidos (72) kandidato. A base di esaki, e komishon a rekomendá pa permití bintidos (22) kandidato sigui pa e siguiente fase. Direktiva di NWO a tuma e rekomendashon aki na fin di mart 2026.
Evaluashon kuidadoso
Un mínimo di tres (3) i máksimo di sinku (5) miembro di komishon a revisá kada entrega. Nan a duna puntonan i kontesta supstansial. A base di esaki a konsehá bintidos (22) kandidato pa sigui. Esaki ta mas ku e kantidat stipulá pa elaborashon kompleto, debí na e kalidat haltu di e aplikashonnan preliminar entregá.
Oportunidat pa reakshon
Kandidatonan ku no a kai den selekshon por respondé riba echonan inkorekto den e evaluashon. E komishon a bolbe revisá e kontestanan aki. Aunke ku a ahustá algun evaluashon, esaki no a kondusí na un selekshon final diferente.
Inisiá ku e aplikashon
E kandidatonan selektá awor a risibí tur informashon nesesario pa skirbi nan aplikashon kompleto. Nan tin te ku 26 di mei 2026, 11:00 AST/17:00 CEST pa entregá esaki na NWO.
Kiko ta e siguiente pasonan?
Den zomer, e komishon lo lesa tur aplikashon kompletu. A base di esaki, e miembronan di komishon lo indiká tokante kua tópiko di e kandidatonan nan tin pregunta ainda.. Despues di esaki, lo sigui ku e entrevistanan ku bintidos (22) kandidato, den hèrfst. Na novèmber 2026 lo anunsiá ken lo haña e shete (7) bekanan pa hasi un PhD.
Mas informashon
Bo ke sa mas tokante e programa òf prosedura? Bishitá e wèpsait di www.nwo.nl òf tuma kontakto ku nos via phd-caribbean@nwo.nl.