Bevolkingsonderzoek Caribisch Nederland (BVO-CN) ta selebrá un logro spesial: sinku aña di trabou riba detekshon trempan di kanser. Skrinen di poblashon pa kanser na pechu, boka di matris i tripa ta tuma lugá awor na Boneiru, Sint Eustatius, i Saba.
Desde su inisio, riba enkargo di Ministerio di Salubridat, Bienestar i Deporte (VWS), BVOCN a desaroyá paso a paso. Esaki a bai kompañá pa retonan pa loke ta trata fasilidatnan, organisashon i kolaborashon. Danki na e dedikashon i ekspertisio di e tim i partnernan di kadena enbolbí, a alkansá e logro akí.
E programa di mas nobo, e skrinen di kanser na tripa, tambe a pasa den preparashon mas aleu pa introdukshon na Sint Eustatius i Saba, despues di un aña di eksperensia na Boneiru. A usa eksperensia for di práktika pa mehorá e implementashon kaminda ta nesesario.
Abo ta selebrá e logro akí huntu ku nos?
Nos ke selebrá e logro akí huntu ku bo! Riba djasabra 28 di novèmber BVO-CN ta habri porta di e ofisina na Boneiru ku un atardi festivo.
Tur hende ta kalurosomente bon biní pa sera konosí ku nos trabou i nos tim, i pa selebrá e logro spesial akí huntu ku nos, miéntras nos ta disfrutá di snèk, bebida i músika agradabel.
Durante e atardi nos tim lo ta disponibel pa duna mas informashon tokante e diferente programanan di skrinen di poblashon i kontestá pregunta.
Informashon práktiko
- Fecha: Djasabra, 28 di novèmber 2026
- Orario: 3 pa 6 or di atardi
- Sitio: Kaya Caracas 3, Boneiru (Ofisina di Bevolkingsonderzoek Caribisch Nederland)
BVO-CN – Detektá na tempu pa skapa bo bida.