Riba djabièrnè 6 di novèmber 2026, a instalá Thammy Albertsz ofisialmente komo Komandante General di Kuerpo di Bombero Hulanda Karibense (BKCN). E gerente di kuerpo ku mandato, Ronald Baarends, tabatin e privilegio di a hasi e instalashon ofisial na nòmber di e minister di Hustisia i Seguridat.
Albertsz ta okupá e funshon di Komandante General for di 16 di ougùstùs 2026. Den e ròl aki, e ta dirigí e kuerpo di bombero di Hulanda Karibense, ku lokalidatnan na Boneiru, Sint Eustatius i Saba.
Tokante su funshon nobo i e tarea komun, Albertsz ta bisa:
“Nos ta traha riba tres isla, kada un ku su mes karakterístika-, riesgo- i desafionan. Esei ta eksigí atenshon pa e práktika i e konteksto lokal, pero tambe un rumbo komun i ku komo organisashon nos ta keda fuertemente konektá ku nos organisashonnan ruman na Boneiru, Sint Eustatius i Saba.
Mi ta konvensí ku, ku e konosementu, eksperensia i kompromiso ku tin den nos organisashon, huntu nos por logra hopi.”
E instalashon ofisial ta marka e komienso ofisial di Albertsz komo Komandante General i e kompromiso di BKCN pa un direkshon fuerte i komun di e servisio di brantwer riba e tres islanan i meskos tambe, e union ku organisashonnan sosio.
BKCN ta sigui dediká su mes na un servisio di bombero konfiabel, profeshonal i prepará pa futuro pa e habitante- i bishitantenan di Hulanda Karibense.