Minister Mirjam Sterk (Kuido di Durashon Largu, Hubentut i Deporte) lo partisipá riba djárason, 19 di november, den e Konsulta Atministrativо di Kuater Pais tokante Salubridat Públiko, huntu ku e ministernan di Aruba, Kòrsou i Sint Maarten. Minister Sterk lo liderá e delegashon di Hulanda Oropeo i Hulanda Karibense. E Konsulta di Kuater Pais tokante maneho konhunto di salubridat den Reino Hulandes ta tuma lugá e aña aki na Aruba.

Boneiru, Saba i Sint Eustatius
Ora e yega na Aruba, e minister lo reuní ku e miembronan di e delegashon di Hulanda Karibense: Diputado di Sint Eustatius Reuben Merkman, Diputado di Saba Eviton Heyliger i Diputado di Boneiru Timoteo Silberie. E reunionnan aki ta pa preparashon pa e Konsulta Atministrativо di Kuater Pais tokante Salubridat Públiko.
Aruba, Kòrsou i Sint Maarten
Promé ku e Konsulta di Kuater Pais riba djárason, e minister lo reuní ku Melvin Wyatt-Ras, Minister di Salubridat Públiko, Asuntunan Sosial, Kuido pa Mayornan i Adikshon di Aruba; ku Claret Connor, Minister di Salubridat Públiko, Desaroyo Sosial i Labor di Sint Maarten; i ku Tyron Boekhoudt, Minister di Salubridat, Medio Ambiente i Naturalesa di Kòrsou.
Bishita na hòspitalnan na Aruba
Riba djabièrnè, e minister lo reuní ku Mike Eman, Minister Presidente di Aruba, i Gerlien Croes, Vice Minister Presidente. Despues di esaki, e lo reuní ku Alfonso Boekhoudt, Gobernador di Aruba. Ademas, e lo bishitá e hòspitalnan Horacio Oduber Hospitaal (HOH) i Instituto Medico San Nicolas (IMSAN) pa haña un mihó bista riba e desaroyonan dentro di kuido di salú den di dos liña na Aruba. E bishitanan aki ta tuma lugá tambe ku atenshon pa e habitantenan di e islanan BES.
Riba djasabra, Minister Sterk lo tin un kombersashon ku Frits Goedgedrag, presidente di e Komishon di Kuido di Salú Hulanda Karibense 2025.