Entrante promé di yanüari 2027, eks studiantenan na Hulanda Karibense mester paga nan debe di estudio bèk riba un kuenta di banko nobo. Riba e fecha ei Rijksdienst Caribisch Nederland (RCN) ta kambia pa un aplikashon nobo. P’esei eks studiantenan mester ahustá nan datonan di pago. Asina nan ta evitá problema ku prosesamentu di nan pago.

Pa ken esaki ta konta?
E kambio ta konta pa eks studiantenan di Hulanda Karibense ku ta pagando nan debe di estudio bèk na Finansiamentu di estudio di RCN (RCN Studiefinanciering). Ta trata di debenan di estudio den e área karibense, na Merka òf Canada. Tambe eks studiantenan ku a risibí un kompensashon di inisio pa un estudio na Hulanda Oropeo ta kai bou di esaki.
Kiko eks studiantenan mester hasi?
Entrante promé di yanüari 2027, eks studiantenan mester usa e number di kuenta nobo pa paga bèk nan debe di estudio.
- Number di kuenta nobo: 421.222.03
- Number di kuenta bieu: 402.821.10
Eks studiantenan ku a krea un transferensia bankario (outomátiko), mester ahustá esaki. Asina nan ta garantisá ku nan pago ta drenta riba e number di kuenta korekto. Ta importante pa eks studiantenan ahustá nan datonan di pago na tempu. Asina nan ta evitá ku no ta prosesá nan pago bon i ku ta surgi retraso den pago bèk di nan debe di estudio.
Tin pregunta òf tin mester di ayudo?
Tin mas informashon riba www.rijksdienstcn.com/studiefinanciering. Eks studiantenan por pasa tambe na ofisina di Finansiamentu di estudio di RCN na Boneiru, na Kaya Nikiboko Zuid #4.
E tim di Finansiamentu di estudio di RCN ademas ta presente riba 30 di novèmber i 1 di desèmber na Saba. Di 2 te ku 4 di desèmber e tim ta na Sint Eustatius. Eks studiantenan por akudí aya tambe ku nan preguntanan.