Entrante promé di yanüari 2027, empleadonan na Boneiru, Sint Eustatius i Saba ku pèrdè trabou fuera di nan boluntat por apliká pa e areglo temporal di benefisio di desempleo BES. Por risibí e benefisio pa un máksimo di tres (3) luna.
A pone e proposishon pa e areglo temporal di benefisio di desempleo BES pa konsulta den primavera. SPartinan interesá i públiko por a duna nan opinion i ‘feedback’ e tempu ei. Lo bin un lei,pa personanan ku pèrde nan trabou sin ku esaki ta nan kulpa, pero trahamentu di un lei nobo ta tuma tempu. Ta p’esei awor tin un areglo temporal. Asina personanan no mester warda mas largu ku ta nesesario pa un benefisio di desempleo. Lo usa e informashonnan optené for di e skema temporal komo punto di salida pa e lei.
Seshonnan di informashon
Departamentu di Asuntunan Sosial i Empleo (SZW) ta organisá seshonnan di informashon públiko pa duna splikashon tokante e benefisio nobo i tambe kontestá pregunta tokante e areglo. E enkuentronan lo tuma lugá na Sint Eustatius i Saba na òktober, i na Boneiru den luna di novèmber.
Durante e seshonnan, lo duna splikashon tokante ken ta bini na remarke pa e areglo i ki pasopa tuma si bo pèrdè bo trabou.
E seshonnan lo tuma lugá na:
Saba, djaluna, 26 di òktober 2026, na Eugenius Johnson Center:
- For di 10’or di mainta pa 12’or di mèrdia na Ingles.
- For di 4’or pa 5:30 ’or di atardi na Spañó.
Sint Eustatius, djárason, 28 di òktober 2026, na edifisio di Elma:
- For di 5’or di atardi pa 6:30’or di anochi na Ingles.
- For di 7’or pa 8:30’or di anochi na Spañó.
Mas informashon
Pa mas informashon tokante e Areglo Temporal di Benefisio di Desempleo BES, por fabor bishitá nos wèpsait. Tambe por tuma kontakto ku ofisina di SZW via telefòn +599 418 3804 (Saba), via telefòn i WhatsApp +599 790 0052 (Sint Eustatius) òf via telefòn i WhatsApp +599 7950 1106 (Boneiru).