Nuebe bombero ta kompletá e promé parti di e kurso di shofùr di trùk di Bombero

E kurso a tuma lugá na Boneiru durante di un periodo di dos siman. Tur nuebe partisipante a kompletá e kurso ku éksito. Di esnan ku a kaba ku éksito, sinku ta di Boneiru, tres di Sint Eustatius, i unu di Saba.

Na òktober, e partisipantenan lo sigi ku e di dos parti di e kurso: operadó di pòmp.  Lo duna e parti aki promé na Sint Eustatius i despues na Boneiru den luna di novèmber.  Operadó di pòmp ta sòru pa e trùk di bombero yega seif i lihé na e lugá korekto i ta operá e pòmp i otro sistemanan di kombatimentu di kandela durante un insidente.

Despues di kompletá tur dos parti ku éksito, e partisipantenan lo risibí e diploma di Shofùr/Operadó di Vehíkulo di Bombero di NIPV. 

Ku e nuebe shofùrnan di bombero motivá aki, BKCN ta tuma un paso signifikante pa sigui fortalesé servisio di bombero i seguridat na Hulanda Karibense. 

Durantei e kurso, e bomberonan ta desaroyá  konosementu i abilidatnan nesesario pa kore i operá vehíkulonan di i bombero na un manera seif i responsabel, i di e manera aki ta duna un kontribushon importante na e despliegue di BKCN.

Dor di kompletá e promé parti ku éksito, e partisipantenan a dal un paso grandi den nan preparashon profeshonal komo shofùr di bombero.