Na sèptèmber 2026, doñonan privá di un monumento por apliká pa supsidio pa restorashon di nan monumento. Lo habri e areglo di promé te ku 30 di sèptèmber 2026. Solamente por apliká pa supsidio denter di e periodo aki. E areglo tin un presupuesto di un biaha so di 1,1 mion dòler. Ku e proyekto piloto aki Ministerio di Enseñansa, Kultura i Siensia (OCW) ta haña eksperensia den práktika pa futuro maneho di monumento den e region.
Na Hulanda Oropeo tabatin areglonan di supsidio kaba pa doñonan di monumento, pero na Hulanda Karibense ainda nò. I esei mientras ku e nesesidat pa esaki ta grandi na e islanan. Doñonan di monumentonan na Hulanda Karibense tin di haber ku gastunan haltu di mantenshon dor di e ubikashon di e isla, skarsedat di materialnan spesialisá i gastunan haltu di transporte.
Mantenshon grandi i restorashon
E Servisio di Reino pa Herensia Kultural (RCE, Rijksdienst voor het Cultureel Erfgoed) lo ehekutá e areglo di supsidio. E areglo ta orientá riba personanan privá ku ta doño di bibiendanan monumental ku tin mester di mantenshon (grandi) òf restorashon na Boneiru, Sint Eustatius i Saba.
Pa bini na remarke pa supsidio, e gastunan pa konservashon mester ta mas haltu ku $25.000 i lo supsidiá esakinan te un suma di $100.000.
Monumentonan (históriko mas bieu ku 50 aña) sin un statùs protehá tambe ta bini na remarke pa supsidio. Ta trata di edifisionan ku ta di importansia general pa motibu di nan bunitesa, nan balor artístiko òf nan nifikashon históriko.
Mas informashon i formulario di aplikashon
Lo habri e areglo di promé te ku 30 di sèptèmber 2026. Solamente por apliká pa supsidio denter di e periodo aki.
Pa mas informashon, bishitá www.rijksdienstcn.com of:
Subsidieregeling woonhuismonumenten Caribisch Nederland | Rijksdienst voor het Cultureel Erfgoed