Gabinete, den 2027, ta sigui hasi esfuerso pa fortifiká i restorá naturalesa i sistemanan ekológiko úniko na Hulanda Karibense. Pa e propósito akí tin na total 47,5 mion euro disponibel. Ministerio di Agrikultura, Peska i Siguridat di kuminda i Naturalesa a anunsiá esaki durante di Prinsjesdag.
Naturalesa di Boneiru, Sint Eustatius i Saba ta úniko i indispensabel. Pa e hendenan ku ta biba aya, pa ekonomia i turismo, pero tambe pa protekshon di e islanan kontra konsekuensia di por ehèmpel kambio di klima. Komo ku naturalesa na Boneiru, Sint Eustatius i Saba ta bou di preshon, gabinete, den 2027 ta sigui hasi esfuerso pa fortifiká i restorá naturalesa i sistemanan ekológiko úniko. Ku 40 mion euro adishonal i na total 47,5 mion euro pa e di dos fase di e Plan di Maneho di Naturalesa i Medioambiente Hulanda Karibense, ta dal un siguiente paso importante huntu ku e islanan.
Huntu ku e islanan ta trahando riba medidanan manera restorashon di vegetashon i koral, kombatimentu di eroshon i komementu eksesivo di vegetashon i redukshon di espesienan invasivo i kontaminashon di awa. Tambe ta wak kon por sigui mehorá maneho i kontròl di naturalesa. E meta ta un naturalesa ku por mihó kontra kambio di klima i na mes momento ta kontribuí na un ambiente di bida i ekonomia saludabel riba e islanan.