Su Mahestat, e Rei, djaluna mainta 16 di novèmber, lo presensiá e konmemorashon di 250 aña di ‘The First Salute’ na Sint Eustatius. Minister presidente Rob Jetten i sekretario di estado Eric van der Burg di Relashonnan den Reino i Gobièrnu Efektivo tambe lo ta presente. Promé ku e konmemorashon tin un selebrashon riba djadumingu 15 di novèmber, anochi, den Fort Oranje.
E aña aki, Estadonan Uní (Merka) ta para ketu na 250 aña di independensia. Riba 16 di novèmber 1776, for di Fort Oranje di Sint Eustatius, a saludá ku tiru di kañon komo kontesta riba e saludo di e barku merikano Andrew Doria. Pa Estadonan Uní, algun luna despues di e guera merikano di independensia, esaki a nifiká e promé rekonosementu di un poder den eksterior. Ta konmemorá esaki riba Statia Day, dia di fiesta anual ofisial di e isla.