-
Práktikamente tur habitante di Boneiru, Sint Eustatius i Saba tin akseso na i ta hasi uzo di internèt.
-
Mayoria habitante di e tres islanan a yega di mira òf lesa informashon ku segun nan no tabata bèrdat, òf ku nan tabata duda den dje.
-
Tres kuart di e habitantenan a yega di kontrolá informashon ònlain.
Na Boneiru i Sint Eustatius, kasi tur habitante di 15 aña òf mas tin akseso na internèt na kas (97 porshento). Na Saba e proporshon akí ta un tiki mas abou (92 porshento). Práktikamente tur hende riba e islanan (97 porshento) ta usa internèt diariamente òf kasi diariamente. Esaki por ta tur kaminda, no solamente na kas so, pero por ehèmpel na trabou tambe.
Lenk komunikado di prensa: https://www.cbs.nl/en-gb/background/2026/39/mayoria-habitante-di-hulanda-karibense-ta-duda-tin-bia-den-informashon-onlain