Entrante 28 di sèptèmber te ku 9 di òktober, Kuerpo di Bombero Hulanda Karibense (BKCN) ta èkstra visibel na Boneiru. Den e periodo aki vários ehersisio di práktika pa e kurso di shofùr di bombero lo tuma lugá, ku partisipante di Boneiru, Sint Eustatius i Saba.
Durante di e ehersisionan e partisipantenan ta siña pa manehá e vehíkulo di bombero di un manera seif i responsabel. Den e periodo aki BKCN lo hasi uzo di lus di emergensia i sirena regularmente. Pa e motibu akí, por tin vehíkulo di bombero i situashonnan di práktika visibel den besindario.
E ehersisionan lo tuma lugá di djaluna te ku djabièrnè, entre 8 or di mainta pa 5 or di atardi.
BKCN ta pidi tur usuario di karetera i esnan ku ta biba den besindario pa tene kuenta ku e ehersisionan i pa sigui tur instrukshon indiká. Na momentu ku bo tuma nota di señalnan visual i di zonido, nos ta pidi bo pa reakshoná na manera usual riba e señalnan di emergensia.