Den e periodo di djaluna 12 di yanüari te ku djabièrnè 6 di febrüari 2026, Koninklijke Marechaussee (KMar) lo ta hopi mas visibel riba kareteranan públiko di Boneiru. Esaki ta relashoná ku un treinen di abilidat pa kore outo. Durante e periodo di treinen aki regularmente Koninklijke Marechaussee lo hasi uso di ‘zwaailicht’ i sirena.
Bou di supervishon di un instruktor sertifiká, trahadónan di KMar ta haña treinen i ta evaluá nan riba kon lihé i, prinsipalmente, seif nan por transportá nan mes pa un kaso (di emergensia). E treinen ta tuma lugá riba dianan di trabou, entre 8’or di mainta i 5’or di atardi.
Koninklijke Marechaussee ta pidi habitante i usuario di kareteranan di Boneiru pa ta konsiente di e treinen i pa reakshoná na manera usual riba e señalnan di emergensia.