Den kuadro di Dia di Privasidat, Komishon Supervishon di Protekshon di Dato Personal BES (CBP BES) ta para ketu na protekshon di dato personal den Reino hulandes. P’esei, CBP BES ta organisá un simposio riba djárason 28 di yanüari 2026, tokante dato digital i privasidat den Reino.
Digitalisashon i interkambio di dato entre gobièrnu i organisashonnan ta oumentá den un tempu hopi rápido. Esaki ta eksigí konsiderashon kouteloso riba tereno di protekshon di privasidat, seguridat digital i protekshon hurídiko. For di diferente perspektiva den Reino, orador- i partisipantenan lo drenta den kòmbersashon ku otro tokante desaroyonan aktual i kuestionnan práktiko.
E simposio lo tuma lugá riba djárason 28 di yanüari 2026, di 8.00 or di mainta te ku 4.30 or di atardi na Plaza Resort Bonaire. Riba djaweps 29 di yanüari 2026, lo organisá tayer pa profundisá na Corallium Hotel & Villas Bonaire. Esaki lo tuma lugá di 8.30 or pa 12.00 or di mainta i di 1.30 or pa 5.00 or di atardi, i ta ofresé espasio pa profundisá den ehèmpelnan práktiko.
Partisipashon na e simposio i e tayernan ta posibel únikamente despues di registrashon previo. Por buska e karchinan di entrada riba 26 i 27 di yanüari, entre 12.00 or di mèrdia i 6.30 or di atardi, na ofisina di CBP BES na Kaya Industria 15E, banda di Qredits.