Notisia22-01-2026 | 14:59

Dianan 17, 18, 19, 22, 23, 24 di yüni 2026, Dutch Research Council (Konseho di Investigashon Hulandes) (NWO) lo organisá e di sinku Siman di Investigashon di Karibe Hulandes (DCRW2026). Durante di e siman aki lo tin diferente charla, diskushon di pènel, interkambio kultural, i oportunidat di networking.

For di awor por inskribí pa DCRW2026: https://www.dcrw.nl/registration.

Siman di Investigashon di Karibe Hulandes

E aña aki, DCRW ta presentá eventonan físiko riba tur seis isla: Aruba, Kòrsou, Bonaire, Saba, Sint Maarten, i Sint Eustatius. Lo transmití e eventonan aki tambe bibu i direkto i bo por sigui e programa online, pa brinda akseso na mas tantu persona interesá posibel paden i pafó di Reino Hulandes. Debí na e diferensia di tempu di 6 ora, e programa lo tuma lugá mainta pa region di Karibe i atardi pa Hulanda. Lo kompartí mas informashon tokante e eventonan físiko aki pronto.

Temanan

DCRW 2026 tin seis tema repartí riba e dianan kaminda un isla diferente ta yama bo bon bini kada dia. E temanan ta derivá for di e próksimo Agènda di Investigashon di Karibe:

  • Edukashon, Investigashon i Teknologia den Karibe | Aruba
  • Salú i Kuido di Salú den Karibe | Kòrsou
  • Siensia di Komportashon Sosial den Karibe | Boneiru
  • Ekologia i Medio Ambiente den Karibe | Saba
  • Kultura, Literatura i Arte den Karibe | Sint Maarten
  • Gobernashon i Lei den Karibe | Statia

Resúmen i posternan

Bo ke presentá bo plannan di investigashon òf resultadonan di investigashon durante e Siman di Investigashon di Hulanda Karibense? Esaki ta bo chèns! Bo por duna diferente tipo di presentashon, i depende di bo lokashon, bo tin asta e posibilidat pa presentá na un oudiensa bibu. Si bo ta interesá, registrá, i pronto lo bo haña informashon.
For di awor por entregá un resumen kortiku di bo proyekto di investigashon sientífiko: Call for Abstracts.

Último fecha pa entrega resúmen pa presentashonnan verbal ta 15 di februari 2026 23:59 AST

Registrashon

DCRW2026 ta un evenemento grátis. Registrashon pa partisipante ta habrí awor. Por registrá via: https://www.dcrw.nl/registration.