Riba djárason dia 21 di yanüari, Skrinen di Poblashon Hulanda Karibense (Bevolkingsonderzoek Caribisch Nederland) a organisá un Dia Habrí di skrinen pa kanser na boka di matris, den kolaborashon ku Fundashon Mariadal i Sentro Akseso Boneiru.
Imágen: © RIVM
Entre 8 or di mainta i mitar di 2 di atardi, e tim tabata kla pa informá bishitante tokante e proseso di skrinen, bentaha pa salubridat i importansia di partisipashon. E bishitantenan por a hasi pregunta, bai den kòmbersashon ku profeshonal di kuido tokante preokupashon- òf dudanan eventual, i inskribí nan mes mesora pa un afsprak pa laga hasi e frótis. Ademas, e siman aki tabata posibel tambe pa laga hasi e tèst serka algun ofisina di dòkter di kas sin sita.
Jeugdgezondheidszorg (Sentro Akseso Boneiru) tabata presente riba e dia aki den e kuadro di vakunashon kontra HPV, ku kua prevenshon na un edat yòn i detekshon tempran ta bini huntu. Danki na e esfuerso konhunto aki, a yama atenshon pa e importansia di skrinen bou di un grupo di enfoke mas amplio.
Nos ta wak bèk riba un dia eksitoso durante kua a bolbe pone un paso importante den hasimentu aksesibel di e skrinen di poblashon pa hende muhé na Boneiru.
Bo tin pregunta, òf bo ke registrá ainda pa e skrinen? Yama +599 7159200, òf manda un Whatsapp pa +599 7810476.
Bishitá nos wèpsait www.screening-CN.com pa mas informashon, i sigui nos riba Facebook i Instagram: ScreeningCN.