E areglo temporal di benefisio sosial pa desempleo pa Hulanda Karibense publiká den Staatscourant

Areglo temporal

E areglo ta di un tempu temporal i ta drenta na vigor entrante promé di yanüari 2027 te ku i inkluso 31 di desèmber 2031. Durante e periodo aki, lo traha pa desaroyá un lei permanente pa benefisio sosial pa desempleo na Hulanda Karibense. Miéntras tantu, e areglo temporal ta ofresé un nèt di seguridat pa empleadonan ku ta bira desempleá inboluntariamente.

Kampaña di informashon

Den preparashon pa e momentu ku e areglo drenta na vigor, Unidat SZW (Asuntunan Sosial i Empleo) di RCN  lo lansa un kampaña di informashon mas den fin di aña. Durante e kampaña aki, dunadónan di trabou i empleadonan ta bai risibí informashon tokante kontenido di e areglo, e kondishonnan i e prosedura pa apliká pa e benefisio.

For di konsulta te na areglo final

E konsepto di areglo tabata entregá pa konsulta na febrüari 2026. Organisashonnan di empleado i dunadó di trabou, e Diálogo Sentral, entidatnan públiko, i otro stakeholdernan a haña e oportunidat pa respondé riba e konsepto di e areglo. A tene kuenta ku e kontestanan durante e desaroyo mas aleu di e areglo temporal.

Ku e publikashon den Korant di Gobierno Nashonal, e areglo temporal ta stipulá formalmente. E areglo ta disponibel pa revishon i ta aksesibel pa públiko entrante awe.

Bo ke sa mas?

Bishitá e wèpsait di Rijksdienst Caribisch Nederland pa lesa mas tokante e areglo nobo aki.