E mundu sientífiko konosé un rango amplio di premionan prestigioso, for di e Premio Nobèl te na e Premionan Spinoza i Stevin, ku NWO mes ta presentá anualmente. Nan ta rekompensá investigadónan pionero i ta hiba nan trabou un stap mas dilanti. Sinembargo, ainda falta un plataforma pa sierto tema — i e investigadónan ku ta dediká nan mes na esakinan. E Organisashon Hulandes pa Investigashon Sientífiko (NWO) ta yena e bashí aki ku e NWO Awards nobo.
Investigadónan na Aruba, Boneiru, Kòrsou, Saba, Sint Eustatius i Sint Maarten tambe ta bini na remarke pa nominashon. Ku e premionan aki, NWO tin komo meta pa mustra e dimenshon kompleto di investigashon finansiá pa Hulanda, inkluyendo trabounan realisá den i pa e region di Karibe.
Kuater premio, kuater tema
NWO ta lansa kuater premio ku ta fortifiká e área sientífiko:
- Arete Award – kultura di investigashon saludabel
- Atlas Award – impakto sosial
- Agora Award – kolaborashon
- UKB Leo Waaijers Open Science Award– siensia habrí (último fecha a pasa)
E premionan aki ta pone un spòtlait riba e individuo- i timnan ku realmente ta trese kambio — for di e kultura di siensia te na e relashon entre investigashon i sosiedat.
Kiko bo por nominá?
Nominá un inisiativa ku ta oumentá e impakto di investigashon. Tantu individuo komo tim ta elegibel — NWO ta inkluí gruponan di investigashon deliberadamente den e alkanse di e premionan aki, ya ku hopi logro spesial ta resultado di esfuerso di kolaborashon.
Ken por nominá?
Tur hende por nominá. Investigadónan por nominá nan mes òf nan koleganan. Esaki ta konta tambe pa e personal di sosten, partnernan sosial i hendenan pafó di e komunidat akadémiko. Bo konosé un inisiativa ku meresé rekonosementu? Por fabor nominá esaki.
“Tin inisiativanan sientífiko ku no ta risibí sufisiente rekonosementu,” Marcel Levi, Presidente di e Hunta Ehekutivo di NWO ta bisa. “Ku e NWO Awards, nos ke kambia esei. Nos ta rekonosé e hende- i timnan ku ta hasiendo siensia mas habrí, den kolaborashon i sosialmente relevante — i nos ta invitá tur hende den Reino pa trese inisiativanan sobresaliente dilanti.”
Entregá bo nominashon promé ku 10 di sèptèmber 2026 via e nomination form: www.nwo.nl/en/nwo-awards.
