Thammy Albertsz ta drenta entrante 16 di ougùstùs den e funshon di Komandante General di Kuerpo di Bombero Hulanda Karibense. E ta sigui Thijs Verheul, ku su periodo ta terminá dia 15 di ougùstùs 2026.
Imágen: © BKCN
Albertsz (35) a nase na Boneiru i ta traha for di 2018 na Kuerpo di Bombero Hulanda Karibense. For di 2022 e ta den e funshon di Komandante Lokal na Boneiru. Den e funshon aki e ta responsabel pa entre otro maneho diario di e organisashon di brantwer riba e isla.
Albertsz: “Tras di kada despliegue tin un tim ku orguyo, rèspèt i dedikashon ta komprometé su mes pa seguridat di Boneiru, Sint Eustatius i Saba. Pa mi ta un honor pa guia e tim aki komo Komandante General. Kolaborashon, konekshon i seguridat ta para sentral den esaki”.
Entrante 16 di ougùstùs Albertsz, komo Komandante General ta dirigí Kuerpo di Bombero Hulanda Karibense na Boneiru, Sint Eustatius i Saba.