Mas di 60 kolega di maneho di krísis di tur e partinan di Reino a reuní di 1 te ku 4 di yüni na Den Haag pa e di 7 Siman di Maneho di Krísis den e partinan karibense di Reino. Durante e siman, partisipantenan a interkambiá konosementu i eksperensia i a partisipá na un ehersisio di maneho di krísis, ku e meta pa tin mas gara riba mihó dominio di situashonnan di krísis i un kolaborashon optimal den kaso di un krísis (inminente).
Algun impreshon di e Siman di Maneho di Krísis
E siman di maneho di krísis a kuminsá ku e tema di resiliensia lokal komo yabi pa un kolaborashon resistente i despues a kuminsá traha konhuntamente pa konkretisá e rekomendashonnan tokante kapasidat di maneho di krísis. Riba 2 di yüni e dia a kuminsá ku e ehersisio konhunto di maneho di krísis, durante kua a trein un seshon di informashon pa un orkan tropikal basá riba Lucas, un orkan fiktisio. Despues koleganan di USAR a duna splikashon tokante kapasidat pa duna asistensia durante un orkan.
Tur partisipante a reuní riba djárason, 3 di yüni, na Landelijke Tactische Commando (LTC) di Koninklijke Marechaussee. Aya a splika funshon di Koninklijke Marechaussee den e área karibense i e partisipantenan a siña mas tokante tarea- i funshonnan den kaso di un krísis. E último dia di e Siman di Maneho di Krísis, resiliensia sibernétiko tabata sentral.
Diariamente tabatin seshonnan di trabou kaminda e partisipantenan a atendé problemanan di aktualidat.
E ta kontinuá
E partisipantenan ta wak bèk ku satisfakshon riba e di 7 Siman di Maneho di Krísis. Kolaborashon i preparashon tabata e temanan sentral. Asina por ehèmpel konhuntamente nan a aportá ku idea pa plan i akshon riba tereno di reserva stratégiko ku lo sigui elaborá mas e periodo benidero i a palabrá pa traha pa yega na un standart komun pa kompetensia profeshonal.
Partisipantenan
Ministerio di Asuntunan Interno i Relashonnan den Reino i ministerio di Hustisia i Siguridat a organisá e siman. Diferente representante di organisashonnan di krísis di e 6 islanan Kòrsou, Aruba, Sint Maarten, Boneiru, Sint Eustatius i Saba, kolaboradónan di diferente ministerio i partnernan di kadena manera ‘Knooppunt Coördinatie Regio’s-Rijk’ (KCR2) i Urban Search and Rescue Team (USAR.NL) a bini huntu.