Sekretario di estado di Relashonnan den Reino i Gobièrnu Desisivo, Eric van der Burg, lo bishitá Saba di 12 te 14 di yüni. Durante e bishita di trabou, e lo partisipá den e aktividatnan pa despedida di gezaghèber Jonathan Johnson. Sr. Johnson lo retirá for di su posishon dia 13 di yüni despues di 18 aña di a sirbi komo gezaghèber di Saba.
Sr. Van der Burg tambe lo tin diferente kòmbersashon informal ku e outoridatnan presente. Entre otro gobernador Ajamu Baly di Sint Maarten, gezaghèber Alida Francis i diputado Rechelline Leerdam di Sint Eustatius, diputado Buce Zagers di Saba i komandante di marina den Karibe, Walter Hansen. Tambe e lo bishitá e instalashon di prosesamentu di shushi di Saba i Saba Conservation Foundation, e organisashon dediká na konservashon di naturalesa.