Den kombersashonnan tokante patrimonio i museo den e área karibense, tin atenshon kresiente pa artefaktonan kultural, ku den e époka kolonial, a bai kuné sin pèrmit. E ministernan di e konsulta ministerial di kuater pais pa Kultura i Enseñansa, pa e motibu ei a disidí di lanta un grupo di trabou kolekshonnan prosedente di konteksto kolonial. Asin’aki museo- i otro instansianan patrimonial den e área karibense tin mas influensia riba kon ta anda ku e kolekshonnan akí, ku tin kolaborashon igual komo punto di salida.
Den kombersashonnan tokante patrimonio i museo den e área karibense, tin atenshon kresiente pa artefaktonan kultural, ku den e époka kolonial, a bai kuné sin pèrmit. E ministernan di e konsulta ministerial di kuater pais pa Kultura i Enseñansa, pa e motibu ei a disidí di lanta un grupo di trabou kolekshonnan prosedente di konteksto kolonial. Asin’aki museo- i otro instansianan patrimonial den e área karibense tin mas influensia riba kon ta anda ku e kolekshonnan akí, ku tin kolaborashon igual komo punto di salida.
E promé enkuentro físiko a tuma lugá na Saba Heritage Center i Eugenius Johnson Center na Saba. E seshonnan a enfoká riba diseño di e liñanan prinsipal i atenshon pa e konseho na e konsulta ministerial di kuater pais na novèmber 2026. Tópikonan sentral al respekto tabata maneho i preservashon di kolekshon, digitalisashon, infrastruktura resistente kontra klima, kompromiso sosial i kolaborashon den Reino i region.
Saba, e isla mas chikitu di Reino, a resultá un lugá ekselente pa e enkuentro akí. Por ehèmpel, e grupo di trabou a hasi un paseo edukativo banda di diferente sitio históriko importante na The Bottom, bou di guia di e antropólogo sabano, Dimetri Whitfield. Tambe e grupo di trabou a bishitá e dos museonan riba e isla: Major Osmar Simmons Museum i Harry L. Johnson Museum.
Ku bista riba e próksimo Konsulta ministerial di Kuater Pais, e grupo di trabou ta prepará un konseho tokante dunamentu bèk di artefaktonan kultural i maneho di kolekshonnan di museo. Pa e trayekto akí a skohe konsientemente pa un struktura renobá: e grupo di trabou ta konsistí di un meskla di funshonarionan riba tereno di maneho i ekspertonan riba tereno di patrimonio i museo di tantu e área karibense, komo Hulanda Oropeo. Ademas ministerio di Enseñansa, Kultura i Siensia, a pidi ofisina di konseho, Scriptis, dirigí pa Ludmila Duncan, pa diseñá i prepará e konseho akí den kolaborashon ku e grupo di trabou,.
Partisipantenan di e grupo di trabou ta representantenan di gobièrnu i ekspertonan di tur e seis islanan karibense i di Hulanda: Aruba (Raymundo Dijkhoff), Boneiru (Daudi Cijntje i Ziran Chin-On), Kòrsou (Irelnety Copra i Dyonna Bennett), Sint Maarten (Koert Kerkhoff), Saba (Shaigan Marten i Sharifa Balfour), Sint Eustatius (Sjahaira Fleming) i Hulanda (Robert Verhoogt i Remco Vermeulen). A base di nan eksperensia i konosementu pa loke ta trata e temanan relevante pa e grupo di trabou akí, Arminda Franken-Ruiz i Raimie Richardson ta fungi komo konsehero eksterno.
Miembronan di e grupo di trabou inkluyendo nan funshon
- Raymundo Dijkhoff – Hefe Sekshon Kolekshon i Investigashon, Museo Arkeológiko Nashonal Aruba (Ministerio di Kultura, Aruba)
- Daudi Cijntje – Mènedjer di Programa Kultura i Patrimonio, Entidat Públiko Boneiru
- Ziran Chin-On – Eksperto di proyekto Freelance (sektor kultural), Eksperto eksterno pa Entidat Públiko Boneiru
- Irelnety Copra – Kolaboradó di maneho superior, Ministerio di Enseñansa, Siensia, Kultura i Deporte, Gobièrnu di Kòrsou
- Dyoñna Benett – Profeshonal independiente di Patrimonio | Sektor di museo, Embolbimentu públiko i Inklushon
- Koert A. Kerkhoff – Kolaboradó di maneho, Sekshon di Kultura, Ministerio di Enseñansa, Kultura, Hubentut i Deporte, Gobièrnu di Sint Maarten
- Shaigan Marten – Konsehero di maneho pa Kultura i Enseñansa, Sekshon Desaroyo di komunidat i Kultura, Entidat Públiko Saba
- Sharifa Balfour – Direktor, Saba Archeological Center Foundation, Saba
- Sjahaira Fleming – Mènedjer di Kultura, Entidat Públiko Sint Eustatius
- Remco Vermeulen – Konsehero superior, Kolaborashon Internashonal Maneho di kolekshon, Rijksdienst voor het Cultureel Erfgoed, Hulanda
- Robert Verhoogt – Konsehero superior, Museo i Kolekshon, Sekshon Kultura i Patrimonio, Ministerio di Enseñansa, Kultura i Siensia, Hulanda
- Gilia Croes – Kolaboradó di maneho, Enseñansa i Kultura, OCW área karibense
- Gyonne Goedhoop – Kolaboradó di maneho superior, Kultura, OCW área karibense
- Ludmila Duncan – Fasilitadó di proseso (Scriptis)