Kontrol i supervishon

Kontrolnan regular

E Unidat SZW di RCN ta hasi tèstnan arbitrario. Nos ta kontrolá e ora ei si e datonan ku un akohida di mucha a duna ta klòp. Nos por bin wak bo atministrashon (finansiero) pa esaki.
Kada akohida di mucha ta kontrolá por lo ménos un biaha den kada tres aña. Tin biaha tambe ta bin un kontrol èkstra entre nan tambe, ku òf sin anunsio adelantá.

Bon atministrashon

Mester a organisá e atministrashon di un akohida di mucha di tal manera ku por duna e Unidat SZW di RCN tur e datonan nesesario mesora i por kompleto.

Ora bo atministrashon no ta na òrdu, e Unidat SZW di RCN lo duna bo un órden di korekshon. A paga bo muchu sèn? E ora ei bo mester paga esei bèk.
E Unidat SZW di RCN ta kere ku tin algu ku no ta klòp den un kontrakt di akohida di mucha ku un  mayor? E ora ei nos por pidi bo pa tuma kontakto ku e mayor(nan) ei.

Informá tokante kambionan

Un akohida di mucha tin e obligashon pa informá e Unidat SZW di RCN mesora tokante e siguiente kambionan:

• Ora un kontrakt di akohida ku un mayor ta terminá.
• Ora bo stòp ku bo akohida di mucha.
• Ora hala bo pèrmit aden.
• Ora bo ta duna akohida na un mucha nobo. Informá nos tokante esaki pa mas tardá promé ku kabamentu di e trimèster.

Bo a haña muchu hopi òf muchu tiki kompensashon?

E ora ei nos lo kompensá esei ku bo siguiente petishon. Asina esaki ta bai:

• Bo ta haña un disposishon ku ta bisa kuantu bo mester paga bèk òf haña bèk. Bo no ta di akuerdo ku esei? E ora ei bo por oponé.
• Den e disposishon tambe tin pará ki ora lo kompensá e montante. Si bo mester paga, paga na tempu pa evitá un notifikashon (aanmaning), gastunan èkstra, òf un deurwaarder.
• Bo no por paga e montante, òf no den un biaha? Bo mes tuma kontakto mas pronto posibel ku e Unidat SZW di RCN. Kisas un areglo di pago ta posibel.

But den kaso di violashon

Si un akohida di mucha violá e reglanan konsientemente, òf ora di un fout grave, e Unidat SZW di RCN por duna un but.