Inspekshon di Labor

E Inspekshon di Labor ta kontrolá si doñonan di trabou i empleadonan ta tene nan mes na e leinan riba e tereno di asuntunan sosial i empleo. Pa promové kumplimentu ku e leinan, inspekshonnan ta wòrdu tené i ta ehersé mantenshon atministrativo i penal. Banda di esei e Inspekshon di Labor ta okupá su mes ku duna informashon na doñonan di trabou i empleadonan. E Inspekshon di Labor ta un parti di e Unidat di RCN di Asuntunan Sosial i Empleo.

Akibou tin algun sektor importante den Hulanda Karibense. Sigui e linknan pa lesa mas tokante di bo derecho i debernan komo dunadó di trabou i trahadó den e sektor aki. Si e sektor no ta aparesé akinan tòg e dunadó di trabou ta responsabel pa trabou sano, seif i honesto. Inspekshon di labor ta supervisá esaki.

Formanan di mantenshon

E Inspekshon di Labor ta mantené e leinan riba e tereno di trabou i fasilidatnan sosial ku ta wòrdu ehekutá pa e Unidat SZW. Ta trata e ora ei di leinan riba e tereno di seguridat di trabou, oranan di trabou i sosiegu, trabou di estranheronan, leinan di pèrdida di salario, salario mínimo i retiro. Pa promové kumplimentu ku e regulashon di e leinan, e Inspekshon di Labor ta duna informashon, hasi inspekshonnan i e por imponé kumplimentu ku lei.

Informashon

E Inspekshon di Labor ta informá doñonan di trabou i empleadonan tokante e leinan i reglanan vigente. Esaki ta tuma lugá entre otro pa medio di reunionnan i foyetonan di informashon. Foyetonan di informashon ta disponibel na hulandes, papiamentu, ingles i spañó.

Inspekshonnan

E Inspekshon di Labor tin e outoridat pa hasi inspekshonnan sin anunsio, den kompanianan. E doñonan di trabou i e empleadonan ta obligá pa koperá ku esaki. 

Tin biaha e inspekshon ta tuma lugá relashoná ku un aksidente òf un keho. Pero ta hasi inspekshonnan tambe den e kuadro di proyektonan di inspekshon. E ora ei diferente kompania den un sektor ta wòrdu inspektá pa pone tendensianan i problemanan den un sektor riba mapa.

Instrumentonan pa kumplimentu ku lei

E Inspekshon di Labor tin e outoridat pa imponé but atministrativo i pa hasi investigashonnan penal. Esaki ta nifiká ku e inspektor di e Inspekshon di Labor, komo polis ekstraordinario, por traha un prosès verbal i entregá esaki serka Ministerio Públiko. Klik aki pa splikashon tokante e diferente instrumentonan ku e Inspekshon di Labor por utilisá pa imponé kumplimentu ku lei.

Notifikashon di aksidente na trabou

Ora ta trata di un aksidente na trabou, bo mester mèldu esaki den sierto kaso, serka e Inspekshon di Labor.

Pa e legislashon i regulashon ofisial riba e tereno di trabou, wak e Lei di labor 2000 BES, e Lei trabou di estranhero BES, e Lei di salario mínimo BES  i e Lei di seguridat na trabou BES.    

Leinan i regulashonnan

E Inspektornan di e Inspekshon di Labor ta apuntá dor di e Minister di Asuntunan Sosial i Empleo, komo ámtenarnan di supervishon di e regulashonnan di SZW BES. Klik aki pa tur lei i regulashon ku e Inspekshon di Labor ta supervisá.