Trahadó doméstiko residente

Reglanan pa dunadó di trabou i trahadó ora ta trata trahadó doméstiko

Na Boneiru, Saba i Sint Eustatius ta posibel pa personanan privá laga un estranhero traha komo trahadó doméstiko. Un dunadó di trabou mester disponé den e kaso ei si di un pèrmit di trabou. Esaki ta reglá den Lei labor estranheronan BES. Un estranhero ta un persona ku no tin pasport hulandes, i kende pa e motibu ei tin mester di un pèrmit di trabou pa por traha na Hulanda Karibense.

Reglanan pa dunadó di trabou i trahadó ora ta trata trahadó doméstiko

Kiko un dunadó di trabou mester hasi pa pidi un pèrmit di trabou?

Abo komo doño di trabou mester bai na e lokèt di informashon na IND. Aya bo ta haña e formularionan ku mester yena pa e pèrmit di estadia i e lista di dokumentonan ku ta rekerí pa e pèrmit di trabou. Riba e lista tin pará tambe ken ta bin na remarke pa un trahadó doméstiko privá. Tin kondishonnan mará na esaki.

Komo dunadó di trabou bo mester prueba dokumentá, por ehèmpel ku un deklarashon di dòkter (wak e siguiente alinea), dikon bo tin mester di un trahadó doméstiko.
Tambe bo mester prueba pa medio di pòtrètnan i un kuestionario yená ku e bibienda ta adekuá pa e trahadó doméstiko residente. Wak pa mas splikashon tokante e proseso e página general tokante pèrmitnan di trabou.

Ken por pidi un pèrmit di trabou?
Pa por haña un pèrmit di trabou pa un trahadó doméstiko bo mester kumpli ku algun kondishon.

Ta duna e pèrmit solamente si e trabou doméstiko ta ser hasí pa:

  • Un pareha (kasá) ku yunan menor di edat, di kua ámbos partner ta traha.
  • Un soltero ku yunan menor di edat residente.
  • Un pareha (kasá) di kua e hòmber òf muhé pa motibu di malesa òf behes tin mester di ayudo (pa esaki un deklarashon di dòkter ta nesesario) .
  • Un soltero ku ta ansiano òf mester di ayudo (aki un deklarashon di dòkter ta nesesario).
  • Un pareha (kasá), di kua un òf ámbos partner pa motibu di trabou regularmente no ta na kas.


Kua derechonan personal doméstiko residente tin?

  • E oranan máksimo di trabou ta 11 ora pa dia, ku un total di 55 ora pa siman.
  • E trahadó tin derecho riba mínimo 1 dia liber pa siman.
  • E trahadó tin derecho riba su propio, kamber ku por sera, ku mínimo un kama, kashi, stul i mesa. E kamber mester ta protehá kontra kandela. Ademas e trahadó ta disponé di un tualèt i baño ku por sera. E baño tin aloménos labamano i ducha.
  • Pa kuminda i alohamentu por retené un suma di maksimal $167 for di e suèldu.
  • Kada trahadó tin derecho riba suèldu mínimo. E sumanan pa suèldu mínimo bo ta haña akí: Tabèl di suèldu mínimo.
  • Mester por traha seif i sano. E dunadó di trabou ta pèrkurá pa e medionan korekto i ta karga e gastunan di eseinan.
  • Un dunadó di trabou no mag kita pasport òf ID di e trahadó.
  • Un dunadó di trabou no mag laga ekspulsá un trahadó doméstiko for di e isla.
Kua derechonan personal doméstiko residente tin?

Unda dunadónan di trabou i trahadónan por akudí ku pregunta?

Si bo tin un pregunta pa Inspekshon di labor òf bo kier entregá un keho tokante bo sirkunstansianan laboral, e ora ei bo por hasi esei na Inspekshon di labor via arbeidsinspectie@RijksdienstCN.com òf telefónikamente via +599 715 8888.

Pa preguntanan tokante salario i oranan di trabou, òf intermediashon den kaso di un konflikto laboral, bo por akudí na e sekshon di Asuntunan laboral. Bo por manda nan un e-mail via arbeidszaken@RijksdienstCN.com, yama via 715-8888, òf pasa durante oranan di konsulta.

Abo komo dunadó di trabou tin pregunta tokante pèrmitnan di trabou? E ora ei bo bo dirigí bo mes na e lokèt di IND, òf manda un e-mail pa twv@rijksdienstcn.com