E konsekuensianan di retiro komo empleado
Si bo wòrdu retirá i e retiro no ta bo mes falta, bo tin derechi riba sesantia. Sesantia ta un pago den un solo biaha pa un empleado ku wòrdu retirá. Bo doño di trabou ta obligá di paga e sesantia, a ménos ku e retiro ta bo mes falta. Si bo doño di trabou no por paga e sesantia pa motibu di baimentu fayit òf suspenshon di pago, e ora ei SZW ta paga e sesantia na bo. Bo por hasi un petishon pa esaki serka e Unidat SZW.
Hasi petishon pa sesantia
Si bo doño di trabou no por paga bo e sesantia, bo por, komo empleado, hasi un petishon pa sesantia serka e Unidat SZW. Bo ta hasi esaki durante e ora di konsulta pèrdida di salario. Bo mester hasi petishon pa sesantia dentro di un aña despues di e fecha di bo retiro.
Mi ke bringa mi retiro, unda mi por akudí?
Bo a wòrdu kanselá mesora i bo ta haña bo retiro inhustu? E ora ei bo por entregá un ‘verzoekschrift’ na e korte den promé instansia. E hues ta wak e ora ei si e retiro ta hustu.
Bo no ta di akuerdo ku bo retiru?
Si bo dunadó di trabou ke retirá bo, e mester haña un pèrmit di retiru. Pa esaki e mester hasi un petishon pa retiru na e departamento di asuntunan di labor (Arbeidszaken). Komo trahadó bo lo risibí e petishon pa retiru ku e sekretario di e komishon di retiru lo manda pa bo. Bo no ta di akuerdo ku bo retiru? E ora ei bo por bai den defensa. Bo ta manda bo defensa huntu ku e petishon pa retiru bèk pa e komishon ku lo traha un konseho a base di e dokumentonan ku a manda. E konseho ta bai pa e hefe di e unidat SZW di RCN ku na final lo tuma desishon si e pèrmit pa retiru ta keda otorgá.