Salario mínimo i ambiente di trabou

Komo empleado bo tin derechi riba e salario mínimo legal (WML) i un ambiente di trabou sigur i sano. Un but ta wòrdu imponé riba doñonan di trabou ku ta paga ménos ku e salario mínimo legal òf no ta ofresé un bon situashon di trabou.

Salario mínimo

E salario mínimo ta poné den e Lei salarionan mínimo BES pa kombatí pagamentu di ménos. Wak pa tur e sumanan e tabèl di salarionan mínimo.

Por si akaso bo ta wòrdu pagá ménos ku e salario mínimo, e ora ei bo por bai na e departamento di Asuntunan Laboral pa pregunta òf mediashon. En kaso ku mediashon no kondusí na pago di e salario mínimo, e ora ei bo por entrega un keho serka e Inspekshon di labor. E Inspekshon di Labor por hasi un investigashon e ora ei i obligá kumplimentu ku lei.  

Traha sigur i sano

Den e Lei siguridat di trabou BES i e otro dekretonan sostenedor tin reglanan tokante trabou sigur i sano. Si bo tin un keho tokante e seguridat na trabou, e ora ei bo por entrega un keho serka e Inspekshon di labor. E Inspekshon di Labor ta investigá bo keho i por imponé e kumplimentu ku lei.

Oranan di trabou i sosiegu

Den e Lei di labor 2000 BES i e dekretonan sostenedor tin oranan di trabou i di sosiegu stipulá. Ora tin konflikto entre empleado i doño di trabou tokante e oranan di trabou i di sosiegu, bo por tuma kontakto ku e Departamento di Asuntunan Laboral pa mediashon. Si mediashon no kondusí na un areglo ku ta kai den e reglanan legal, bo por entregá un keho serka e Inspekshon di Labor. E Inspekshon di Labor ta kuminsá un investigashon e ora ei i, si ta nesesario, ta imponé kumplimentu ku e lei.

Otro pregunta situashon di trabou

Si bo tin otro pregunta tokante bo kontrato òf bo situashon di trabou, bo por tuma kontakto (sea komo doño di trabou òf komo empleado) ku e Departamento di Asuntunan Laboral. E kolaboradó di Asuntunan Laboral tin un posishon neutral i por duna bo konseho. Bo por pasa durante e oranan di konsulta di Asuntunan Laboral, yama na telefòn 715-8888 òf manda e-mail pa arbeidszaken@rijksdienstcn.com.