Informashon tokante valides i terminashon di TWV
Riba e pèrmit di trabou ta wòrdu menshoná kua trabounan bo por laga e empleado hasi. Pues bo no por usa e empleado pa otro trabounan.
Durashon di valides
E pèrmit di trabou ta wòrdu duná pa e durashon di 1 aña. Despues bo por hasi un petishon pa un pèrmit nobo i bo petishon ta wòrdu evaluá di nobo. E evaluashon ei ta igual na e evaluashon di e promé petishon. Pues por sosodé ku un siguiente pèrmit di trabou lo no wòrdu otorgá, pasobra e ora ei, si tin trahadónan lokal presente.
Terminashon di kontrato di trabou
Si e trabou wòrdu terminá promé ku e durashon di e pèrmit di trabou, por ehèmpel pasobra bo a bai fayit òf pasobra e kontrato di trabou a wòrdu terminá, e ora ei bo mester mèldu esaki dentro di dos siman komo doño di trabou. E pèrmit di trabou ta wòrdu kanselá e ora ei. Bo ta tuma kontakto pa esaki ku e departamento pèrmitnan di trabou di e Unidat SZW. Bo por yama 715-8888 pa esaki, manda e-mail pa tewerkstellingsvergunningen@rijksdienstcn.com òf pasa na e lokèt di e IND.
Si e empleado konserní a pèrdè e trabou fuera di su mes falta, ta posibel tambe ku un otro doño di trabou ta tuma over e pèrmit di trabou. Den e kaso aki tuma kontakto ku departamento di Asuntunan Laboral. Bo por pasa na e oranan di konsulta di Asuntunan Laboral serka e Unidat SZW, yama 715-8888 òf manda e-mail pa arbeidszaken@rijksdienstcn.com.