Kiko mester hasi despues di un aksidente komo doño di trabou

Ora ta trata di un aksidente na trabou, bo mester mèldu esaki den sierto kasonan, serka e Inspekshon di Labor di SZW.  

Bo ta obligá di hasi un notifikashon mesora si:

  • Ta trata di un aksidente ku konsekuensia fatal
  • E víktima mester wòrdu interná den un instituto di kuido. (Esaki ta konta pa aksidentenan di buseo tambe, unda e empleado mester bai den e unidat di dekompreshon.)
  • E aksidente ta okashoná heridanan di tal forma, ku invalides total òf parsial por resultá for di esaki
  • Dor di sirkunstansianan kasual, leshon personal no a wòrdu eksperensia. 

Bo ta alkansá e Inspekshon di Labor na number di telefòn 717-8888 òf via arbeidsinspectie@rijksdienstcn.com

Pago kontinuo despues di aksidente na trabou

Bo ta obligá di sigui paga e salario ora un empleado no por sigui ku su trabou despues di un aksidente na trabou. Den e promé aña ta trata di 100% di e salario pa dia i den e di dos aña 80% di e salario pa dia.  Bo por rekuperá e gastunan di salario aki via e Unidat SZW pa medio di e pago di pèrdida di salario. Si bo doño di trabou no ta paga, nos ta imponé un but.

Hasi petishon pa pèrdida di salario

Riba e promé dia ku e empleado konserní no por traha, bo ta dun’é un karchi blanku kompletamente yená i e formulario pa mèldu aksidente na trabou. Paga tinu: si e karchi blanku no ta yená kompleto òf ta yená inkorekto, SZW no por sigui pa hasi pago.   

Pa hasi petishon pa pèrdida di salario, bo ta pasa durante e ora di konsulta pèrdida di salario.

Mas despues bo mester entregá un kopia di e karchi blanku tur luna, promé ku nos por sigui pa hasi pago. Ora e empleado a wòrdu deklará kapas pa traha, bo ta entregá e karchi blanku original.