Hasi petishon pa ferlòf pa embaraso

Di bo doño di trabou bo ta risibí un asina yama karchi hel i di bo ginekólogo un karta. E dokumentonan aki bo ta entregá serka e Unidat SZW. Bo por hasi esaki durante e oranan di konsulta pèrdida di salario.  

Fecha di inisio di ferlòf pa embaraso

Bo tin derechi riba ferlòf pa embaraso (promé ku duna lus) i riba ferlòf di maternidat (despues di duna lus). En total bo tin derechi riba 16 siman di ferlòf ku pago kompleto (100% di bo salario).

Bo por bai ku ferlòf pa embaraso 6 siman promé ku bo fecha di parto. Bo por sigui traha tambe si bo ke, te ku mas tardá 4 siman promé ku e dia despues di bo fecha di parto, ku a wòrdu kalkulá. Loke bo tuma di ménos riba bo ferlòf di embaraso, bo por pone riba bo ferlòf di maternidat.

Bebi a nase muchu lat

Si bo bebi nase mas lat ku e fecha di parto kalkulá, bo ferlòf di maternidat no ta bira mas kòrtiku. E ta inisiá e dia despues di bo parto i ta sigui for di e momentu ei pa 10 siman mas. Bo ferlòf total pues por bira mas ku 16 siman.

Bebi a nase muchu tempran

Si bo bebi nase promé ku e fecha kalkulá, bo ferlòf no ta bira mas kòrtiku. Bo tin semper derechi riba un total di mínimo 16 siman ferlòf pagá.

Mas informashon tokante bo situashon personal? Tuma kontakto ku nos òf pasa na e ora di konsulta pèrdida di salario.