Huérfano i viuda

Gobièrnu Sentral ke pa famianan di defuntu ta sigurá di un entrada básiko. Si esun ku a fayesé tabata bibá na Hulanda Karibense na momentu di fayesimentu, e ora ei viuda-, viudo- i yunan ku a pèrdè un òf tur dos mayor tin derechi riba un pago for di e Lei Seguro di uérfano i viuda BES (AWW).

Komo viuda òf viudo bo tin derechi riba AWW te ora bo yega e edat di AOV. Komo huérfano òf yu ku a pèrdè un mayor, bo tin derechi riba AWW te ora bo tin 25 aña, si bo ta sigui un edukashon kompleto. Unidat SZW di RCN ta paga e kontribushon. Bo mester entregá un petishon pa risibí AWW.

Hasi petishon pa AWW

Si bo a bira viuda, viudo òf yu ku a pèrdè un òf dos mayor, bo por pasa serka unidat SZW durante ora di konsulta pa hasi petishon pa AWW. Esaki bo mester trese ku bo:

  • Bo pasport òf sédula
  • E akta di fayesimentu
  • Bo troubuk òf buki di famia
  • Un prueba di bo datonan bankario
  • Pa huérfano: bo deklarashon di skol

Ta posibel tambe pa hasi un petishon pa AWW, digitalmente. Download e formulario di petishon pa penshun di viuda òf e formulario di petishon pa penshun di huérfano. Manda e formularionan kompletá huntu ku un scan di e dokumentonan ariba menshoná na pensioen@rijksdienstcn.com.

Sumanan di AWW

Klik aki pa un resúmen di e nivel di e AWW.

Attestatie de Vita

Si bo ta risibí AWW for di Hulanda Karibense komo viudo, viuda òf huérfano pero bo no ta biba mas na Boneiru, Saba òf Sint Eustatius pero bo no ta biba mas na Boneiru, Saba òf Sint Eustatius, bo mester manda un Attestatie de Vita (un prueba di ta na bida) pa unidat SZW di RCN. Bo mester entregá e dokumento aki entre promé di mei i 15 di yüni i entre promé di novèmber i 15 di desèmber.

Bo por apliká pa bo Attestatie de Vita na un organisashon kompetente manera:

  • Entidat Públiko;
  • Un notario;
  • Un embahada Hulandes;
  • Un konsulado Hulandes;
  • Banko di seguro sosial (SVB);
  • Social Health Insurance Sint Maarten (SZV)

Bo por prent e karta aki i present’é na e organisashon kompetente kaminda bo ta bai pidi bo prueba di ta na bida, pa risibí e dokumento sin gastu. Nan mester yena i firma e format aki. Si esaki no ta posibel, e formulario propio mester inkluí en todo kaso e mesun datonan ku nos format.

Si SZW no risibí bo Attestatie de Vita na tempu, ta stòp pago di e pago. Ora risibí e dokumento, por paga te ku dos aña retroaktivo.

Deklarashon di skol

Si bo ta risibí AWW for di Hulanda Karibense komo huérfano, bo mester manda un deklarashon di skol dos biaha pa aña pa unidat SZW di RCN. No ta importá si bo ta biba na Boneiru, Saba, Sint Eustatius, òf pafó di Hulanda Karibense. Bo mester semper entregá e dokumento aki entre promé di mei i 15 di yüni i entre promé di novèmber i 15 di desèmber.

Si SZW no risibí bo deklarashon di skol na tempu, ta stòp pago di e pago. Ora risibí e dokumento, por paga te ku dos aña retroaktivo.

Fecha di pago AWW

E pago ta drenta na vigor riba e promé dia di e luna ku ta sigui e luna di e fayesimentu. E fecha eksakto di pago por varia. Lo bo risibí AWW semper promé ku e promé dia di luna. Pa mas informashon bo ta haña aki e legislashon i regulashon ofisial tokante e Lei Seguro di huérfano i viuda (AWW).

Pago di un solo biaha

Komo famia di e defuntu bo por hasi un petishon pa un pago di un solo biaha, te ku 6 luna despues di e fayesimentu. Pa esaki bo por pasa durante e orario di konsulta di AOV.  Ta posibel tambe pa hasi un petishon digital. Download e formulario di petishon pa Eenmalige uitkering. Manda e formularionan kompletá huntu ku un scan di e adhuntonan na pensioen@rijksdienstcn.com.