Supsidio di pareha

Bo ta kasá i tin derecho riba AOV, pero bo pareha ainda no? E ora ei bo por haña un supsidio di pareha. Esaki ta posibel ora e entrada anual di boso huntu no ta mas ku $ 12.999 na Boneiru, $ 16.619 na Sint Eustatius òf $ 15.503 na Saba.

Hasi petishon pa supsidio di pareha

Bo por pasa durante un ora di konsulta serka e Unidat SZW pa hasi un petishon pa e supsidio di pareha. Bo mester trese esaki ku bo:

  • Bo pasport òf sédula
  • Un prueba di bo kuenta di banko
  • E number di Crib di bo mes i di bo pareha
  • Un prueba di e nivel di e entrada di bo mes i/òf di bo pareha

Bo por ‘download’ e formulario di petishon AOV supsidio di pareha aki tambe i mand’é huntu ku un scan di e pruebanan ariba menshoná pa pensioen@rijksdienstcn.com