Covid Drive-Thru

Bo tin keho manera un tiki kayente di kurpa òf keintura, tosamentu,  kuminsamentu di tosamentu òf garganta ku ta kishikí?  E ora ei bo por traha un sita pa tèst na e COVID drive-thru.

Departamento di Salubridat Públiko di Entidat Públiko den koperashon ku Fundashon Mariadal lo kuminsá tèst pa medio di un asina yamá  ‘COVID drive-thru’’. Te aworakí tabata hasi e tèstnan solamente na kas serka e pashènt, pero pa medio di e manera di traha nobo aki Boneiru ke tèst mas tantu hende posibel i eksponé mas poko habitante i personal médiko posibel . E introdukshon di e drive-thru ta pas den e plan pa aktivamente buska e vírùs di corona, pa haña klaridat si e vírùs ta presente na Boneiru òf nò.

Di 13 te ku 19 di mei por yama 715-8900 ext 1528

Por yama for di 13 te ku 18 di mei durante oranan di ofisina number di telefòn 715-8900, ekstenshon 1528. Riba 19 di mei por yama te 12 or di mèrdia. E ora ei e enfermero ta hasi algun pregunta i ta traha un sita ki dia e persona mester ta  na e sitio di tèst. E oranan di tèst ta tur dia di 4 or  te ku 6 or di atardi, i ta solamente riba sita. Esaki ta tantu pa adulto komo pa mucha. Si durante di e kombersashon na telefòn bin resultá ku e sospecho di presensia di COVID-19 ta masha fuerte e ora ei e pashènt ta risibí instrukshon speshal.

Kon e COVID drive-thru ta funshoná?

Ta instalá un tènt grandi, kaminda ta hasi e tèstnan miéntras e personanan ku keda sinta den outo. E entrada di e drive-thru ta na Kaya Soeur Bartola, patras di e parke di mucha. Riba e tereno di parker poko mas leu ta haña e tènt. Ora kore drenta e tènt, un kolaboradó ta tuma un muestra. Esaki ta hasi pa medio di pasa un staf chikí di katuna den garganta i unu den nanishi di e pashènt. Un di dos kolaboradó ta registrá bo datonan personal i otro dato. Despues e personanan ku a tèst ta risibí un foyeto, tokante kon i ki dia nan lo risibí e resultado di e tèst. Por