Ordenansa di emergensia

E regulashonnan ta drenta na vigor 15 di mei 2020 i nan ta konta te ku 31 di mei 2020, 18:00, a ménos ku promé ku e fecha ei, disidí pa prolongá òf hala aden e ordenansa di emergensia akí.

Disclaimer:

• Den kualke kestion tokante interpretashon di e lei, e ordenansa di emergensia na Hulandes ta e úniko vershon ofisial. E resúmen aki ta solamente un servisio adishonal i no tin valides legal.

Resúmen di e ordenansa di emergensia

  • Klupnan nokturno, spa i souna mag habri atrobe entrante 15 di mei bou di kondishonnan estrikto. Maksimal 50 persona mag ta presente, esaki ta inkluso persona. Esnan presente mester mantené semper 1.5 meter di distansia di otro. Habitantenan mester tene nan mes na e medidanan estrikto di higiena. 
  • Pisinanan mag habri entrante 15 di mei pa públiko, pa maksimal 50 persona, e medidanan estrikto di higiena* i ta apliká un distansia sosial di 1.5 meter. E distansia sosial no ta konta pa muchanan te ku 17 aña.
  • Tin un prohibishon total te ainda na vigor pa eventonan pa kua tin mester di un pèrmit i pa aglomerashonnan ku mas di 50 persona den ambiente públiko òf privá, tantu paden komo den aire liber. E prohibishon akí ta konta tambe pa bichnan públiko i privá. Eksepshon ta pa servisio di misa, entiero, kasamentu i reunionnan legal òf di negoshi ku ta nesesario. Pa e enkuentronan akí ta konta ku no por tin mas ku 50 persona presente i ku presentenan mester tene 1,5 meter di distansia for di otro.
  • Tur hende den lugánan públiko mester tene un distansia sosial di 1,5 meter. Esaki no ta konta pa muchanan di 0 te ku 17 aña ku ta huntu i pa personanan ku ta forma huntu un kas di famia.
  • For di 11 di mei skolnan i akohida di mucha por habri, bou di kondishon ku nan ta apliká medidanan severo di higiena*, no ta permití mas di 50 persona na mes momentu den un espasio (pafó) i ta apliká un distansia sosial di minimal 1,5 meter. E distansia sosial no ta konta pa muchanan te ku 17 aña ku ta huntu ku otro, pa tur adulto si.
  • Fasilidatnan di deporte tin mag di habri, sinembargo ku no mas di 50 persona, un distansia sosial di mínimo 1,5 meter i medidanan estrikto di higiena*. Deporte di kontakto ta prohibí, ku eksepshon di deportenan di kontakto pa muchanan te ku 17 aña. Muchanan te ku 17 aña no tin mester di tene distansia sosial. Kompetensia ta prohibí.
  • Establesimentunan di horeka por keda habrí basta ku tin máksimo 50 persona presente, tin medidanan di higiena estrikto* i ta kumpli ku e distansia sosial pa ku e persona mas pegá.
  • Kasinonan tambe mag habri bou di medidanan di higiena estrikto*, ku distansia sosial di 1.5 meter i no mas di 50 persona.
  • *Medidanan di higiena konforme instrukshonnan di e sekshon di Salubridat Públiko Boneiru, manera, aplikashon korekto i regular di higiena di man i tosamentu, limpiamentu regular di superfisienan ku ta usa frekuentemente, aparato i ko’i hunga. Banda di esei tur hende ku tin kuminsamentu di síntomanan manera tosa, nister, oumentu di kayente di kurpa òf keintura mester keda kas.

Lesa e ordenansa di emergensia kompleto pa un splikashon eksakto.