Na 2025 abo komo habitante di Boneiru, Sint Eustatius i Saba a risibí un number di servisio pa siudadano, tambe yamá BSN. Esaki ta un number úniko i personal di 9 sifra.
Bo tin un BSN, pa asina den futuro bo por ‘log in’ di un manera seif riba wèpsait di gobièrnu i tambe bo por regla bo asuntunan ònlain.
Bo por pidi bo karta di BSN na tur momentu serka departamento di asuntunan sivil riba e isla kaminda bo ta biba.
Bo BSN ta bo number personal. P’esei, warda bo BSN bon i no kompartí esaki sin mas ku otronan.
Bo ke sa mas? Wak na e wèpsait di bo Entidat Públiko.