Programa di desaroyo espasial Hulanda Karibense

E Entidatnan Públiko di Boneiru, Sint Eustatius i Saba ta pará dilanti di enkargonan espasial grandi. Kresementu di poblashon, kambio di klima, kresementu ekonómiko i transishonnan, seguridat di alimento, pero tambe protekshon di e kultura i e naturalesa úniko ta pidi eskohonan espasial. Mirando e kompleksidat i e urgensia di e enkargonan i e interesnan espasial ku ta bin aserka, e Minister di Bibienda Públiko i Planifikashon Urbano a skohe pa kuminsá duna un kontenido mas enfátiko na su papel den desaroyo espasial di e tres islanan. A inkluí e intenshon aki tambe den e agènda di maneho Bibienda Públiko i Planifikashon Urbano Hulanda Karibense (liña di akshon 4: Stipulá direkshon espasial)1. E Programa di Desaroyo Espasial Hulanda Karibense (ROCN) aki ta un elaborashon di e agènda aki.